Daşkəsəndə dostunu qətlə yetirməkdə təqsirləndirilən Elçin İsmayılovun cinayət işi üzrə məhkəmə araşdırması yekunlaşıb.
Elpress.az APA-ya istinadən xəbər verir ki, Gəncə Ağır Cinayətlər Məhkəməsində hakim Bəhruz Mövsümovun sədrliyi ilə keçirilən iclasda hökm elan olunub.Məhkəmənin qərarına əsasən, Elçin İsmayılov 9 il 6 ay müddətinə azadlıqdan məhrum edilib. O, cəzasını ciddi rejimli cəzaçəkmə müəssisəsində çəkəcək.İttihama görə, hadisə ötən ilin iyul ayında Daşkəsən rayonunda baş verib. Elçin İsmayılovla dostu İlkin Məmmədov arasında yaranan mübahisə zamanı təqsirləndirilən şəxs ona bıçaqla bir neçə zərbə vurub. Ağır xəsarət alan İlkin Məmmədov xəstəxanaya çatdırılsa da, həyatını xilas etmək mümkün olmayıb.Elçin İsmayılova Azərbaycan Respublikası Cinayət Məcəlləsinin 120.1-ci (qəsdən adam öldürmə) və 228.5-ci (soyuq silahı qanunsuz əldə etmə və gəzdirmə) maddələri ilə ittiham irəli sürülüb.
