Aysel Əlibəyli
19 Sentyabr 2026 · 09:32
1084 baxış
Elpress.az xəbər verir ki, dünya əmtəə bazarlarında əsas neft markalarının qiymətində eniş müşahidə olunub.
“Brent” markalı neftin noyabr fyuçersləri 0,95 dollar və ya 0,91% azalaraq 103,87 dollar/barelə geriləyib.“WTI” markalı neftin oktyabr fyuçersləri isə 1,61 dollar ucuzlaşıb. Bununla da bu markanın bir barelinin qiyməti 100,30 dollar təşkil edib.Bazar iştirakçılarının diqqətində Yaxın Şərqdə neft tədarükü ilə bağlı vəziyyət və əvvəlki bahalaşmadan sonra investorların mənfəətlərini reallaşdırması dayanır.
Hörmüz boğazı vasitəsilə neft daşımalarının məhdud qalması isə bazarda qiymətlərin hələ də yüksək səviyyədə qorunmasına təsir edən amillərdən biri olaraq qalır.
