Naxçıvan Muxtar Respublikasında vergi daxilolmalarında artım müşahidə olunub.
Elpress.az AZƏRTAC-a istinadən xəbər verir ki, cari ilin yanvar-may aylarında Naxçıvan Muxtar Respublikasının İqtisadiyyat Nazirliyi yanında Dövlət Vergi Xidmətinin xətti ilə büdcəyə 98,3 milyon manata yaxın vəsait daxil olub.Məlumata görə, bu göstərici ötən ilin eyni dövrü ilə müqayisədə 2,4 faiz və ya 2,3 milyon manat çoxdur.Hesabat dövründə qeyri-dövlət sektorundan daxilolmalar 69,4 milyon manat təşkil edib. Bu isə 2025-ci ilin müvafiq dövrü ilə müqayisədə 8,3 faiz və ya 5,3 milyon manat artım deməkdir.Toplanan vergilərin 70,6 faizi qeyri-dövlət sektorunun, 29,4 faizi isə dövlət sektorunun payına düşüb.Bundan başqa, 2026-cı ilin yanvar-may aylarında işsizlikdən sığorta haqları üzrə daxilolmalar da artıb. Belə ki, bu istiqamətdə daxil olan vəsait ötən ilin müvafiq dövrü ilə müqayisədə 7,3 faiz yüksələrək 2 milyon manata yaxın olub.
