Köhnə Alvadı kəndində qısaqapanma nəticəsində yanan ev üçün 10 200 manat sığorta ödənişi verilib
Elpress.az xəbər verir ki, Masallı rayonunun Köhnə Alvadı kəndində iyun ayında qısaqapanma nəticəsində baş verən yanğın zamanı zərər görən evin sığorta ödənişi qarşılanıb.Hadisə nəticəsində evə dəymiş zərər üçün sığorta şirkəti tərəfindən 10 200 manat məbləğində ödəniş həyata keçirilib.Məlumata görə, hadisə ilə bağlı sosial şəbəkələrdə paylaşım edilib. Paylaşımda sığorta hadisəsindən sonra müştəriyə göstərilən xidmət və münasibətdən məmnunluq ifadə olunub.Qeyd edilib ki, hadisə zamanı müraciətin araşdırılması və dəymiş zərərin qarşılanması sığorta xidmətinin qiymətləndirilməsi baxımından mühüm amillərdən biridir.Paylaşımda həmçinin sığorta şirkətinin müştəriyə göstərdiyi diqqət və dəstək xüsusi vurğulanıb.
