Elpress.az xəbər verir ki, bu gün – 21 sentyabr tarixi bütün dünyada Beynəlxalq Sülh Günü kimi qeyd olunur.
Beynəlxalq Sülh Günü ilk dəfə 1981-ci ildə BMT Baş Assambleyasının qətnaməsi ilə təsis edilib. Əvvəllər sentyabr ayının üçüncü çərşənbə axşamı günü qeyd edilən bu gün, 2001-ci ildə qəbul edilən qətnamə ilə 21 sentyabr tarixinə keçirilib və bu tarix qlobal atəşkəs və zorakılıqdan imtina günü elan edilib.Bu günün əsas məqsədi dünya xalqları arasında sülh ideallarını möhkəmləndirmək, müharibə və münaqişələrə son qoyulmasına çağırış etməkdir. BMT-yə üzv dövlətlər, beynəlxalq və qeyri-hökumət təşkilatları bu gündə maarifləndirici tədbirlər keçirir.
Qeyd edək ki, Azərbaycanda da ənənəvi olaraq 21 avqust – 21 sentyabr tarixləri “Sülh Aylığı” kimi qeyd olunur.
