Valyuta hərraclarında dollar satışları kəskin azalıb
Elpress.az xəbər verir ki, 2026-cı ilin ilk altı ayında Azərbaycan Mərkəzi Bankının keçirdiyi valyuta hərraclarında ümumilikdə 757 milyon ABŞ dolları satılıb.Mərkəzi Bankın sədri Taleh Kazımov bildirib ki, bu göstərici əvvəlki illərin eyni dövrü ilə müqayisədə əhəmiyyətli dərəcədə aşağıdır. Belə ki, 2025-ci ilin ilk yarısında hərraclarda 2,7 milyard dollar, 2024-cü ilin eyni dövründə isə 3,7 milyard dollar satılıb.Sədrin sözlərinə görə, aprelin 1-dən keçirilən 101 valyuta hərracında 203 milyon dollar satış həyata keçirilib. Bununla yanaşı, Mərkəzi Bank valyuta bazarında alışyönümlü müdaxilə edərək iyulun 30-dək 2,077 milyard dollar alıb.Nəticədə Mərkəzi Bankın valyuta ehtiyatları 19,4 faiz artaraq 13,7 milyard dollara çatıb.Bank sektorunda dollarlaşmanın azalması da davam edib. İyunun sonunda rezident fiziki şəxslərin əmanətlərində dollarlaşma səviyyəsi 25,6 faiz təşkil edib. Bu göstərici ilin əvvəlindən 3,8 faiz bəndi azalıb.Eyni dövrdə fiziki şəxslərin manat əmanətləri 1,3 milyard manat və ya 11,6 faiz artaraq 12,5 milyard manata yüksəlib.
