Azərbaycan Mərkəzi Bankı növbəti pul siyasəti qərarını açıqlayıb və uçot faiz dərəcəsini əvvəlki səviyyədə saxlamaq qərarına gəlib.
Elpress.az xəbər verir ki, Mərkəzi Bankın İdarə Heyətinin qərarına əsasən, uçot dərəcəsi 6,5 faiz, faiz dəhlizinin aşağı həddi 5,5 faiz, yuxarı həddi isə 7,5 faiz səviyyəsində dəyişdirilməyib.
Qərarın qəbulunda ölkədə inflyasiya göstəriciləri, maliyyə bazarındakı vəziyyət, valyuta bazarında müşahidə olunan proseslər və makroiqtisadi proqnozlar əsas götürülüb.Mərkəzi Bank bildirib ki, illik inflyasiya hədəf diapazonunda qalır və cari iqtisadi şəraitdə faiz dəhlizinin sabit saxlanılması məqsədəuyğun hesab olunub.
Qurum qeyd edib ki, növbəti qərarlar ölkədə və qlobal iqtisadiyyatda baş verən dəyişikliklər, inflyasiya dinamikası və maliyyə bazarındakı vəziyyət nəzərə alınmaqla qəbul ediləcək.
