İpoteka və Kredit Zəmanət Fondu satmaq öhdəliyi ilə kirayə mexanizmi çərçivəsində paytaxtda daha 184 mənzili vətəndaşların istifadəsinə verəcək.
Elpress.az xəbər verir ki, yeni yaşayış sahələri Bakı şəhərinin Binəqədi rayonu, Cəfər Xəndan küçəsində yerləşən yaşayış kompleksində yerləşir. Mənzillər 1, 2 və 3 otaqlı olmaqla tam təmirli vəziyyətdə təqdim edilir. Aylıq kirayə ödənişləri isə 925 manatdan başlayır.
Məlumata görə, vətəndaşlar mənzillərin seçimini avqustun 4-ü saat 15:00-dan etibarən həyata keçirə biləcəklər. Müraciətlər Elektron Hökumət İnformasiya Sisteminə inteqrasiya olunmuş “Elektron ipoteka və kredit zəmanət” platforması üzərindən qəbul ediləcək.Şəffaflığın və təhlükəsizliyin təmin olunması məqsədilə yaşayış sahələrinin seçimi SİMA biometrik identifikasiya sistemi vasitəsilə aparılacaq.
Fonddan bildirilib ki, kirayə mexanizmi və müraciət qaydaları ilə bağlı ətraflı məlumatı rəsmi internet səhifəsi, sosial media resursları və “1549” Çağrı Mərkəzi vasitəsilə əldə etmək mümkündür.
