Braziliya futbolunda qəbul edilən yeni intizam qərarı idman ictimaiyyətində geniş müzakirələrə səbəb olub.
Elpress.az xəbər verir ki, “İnternasional” klubunun müdafiəçisi Viktor Qabriel kobud oyuna görə qeyri-adi cəza alıb.Belə ki, futbolçu rəqib komandanın oyunçusu Qabriel Peki ağır zədələdiyi üçün yalnız qırmızı vərəqə ilə deyil, daha sərt qərarla üzləşib.
Braziliyanın Ali İdman Ədalət Məhkəməsinin İntizam Komitəsi qərara alıb ki, Viktor Qabriel zədələdiyi futbolçu tam sağalaraq yaşıl meydana qayıdana qədər heç bir rəsmi oyunda iştirak edə bilməyəcək.
Məlumata görə, insident zamanı Qabriel Pekin ayağında sınıq aşkarlanıb və o, əməliyyat olunub. Həkimlərin ilkin rəyinə əsasən, futbolçunun bərpa prosesi təxminən altı ay davam edəcək.Bu səbəbdən, Viktor Qabrielin də ən azı həmin müddət ərzində komandasının rəsmi qarşılaşmalarında forma geyinməsi mümkün olmayacaq.
Bu qərar son illərin futbol tarixində tətbiq olunan ən fərqli intizam tədbirlərindən biri kimi qiymətləndirilir.
