AZAL Naxçıvan istiqamətində bəzi reyslərdə dəyişiklik edildiyini açıqlayıb.
AZAL mətbuat xidmətinin yaydığı məlumata əsasən, Naxçıvan istiqamətində həyata keçirilən bəzi reyslər əlverişsiz və qeyri-sabit hava şəraiti səbəbindən qrafikdən kənar vəziyyətlə üzləşib. Bildirilib ki, J2-295 nömrəli Bakı–Naxçıvan reysini yerinə yetirən hava gəmisi ildırımlı hava şəraiti ucbatından Bakıya geri dönərək Heydər Əliyev Beynəlxalq Aeroportuna təhlükəsiz eniş edib, J2-2257 reysi isə eyni səbəbdən müvəqqəti olaraq təxirə salınıb və sərnişinlərə əlavə məlumatların təqdim olunacağı qeyd edilib. Qurum vurğulayıb ki, son günlər Naxçıvanda müşahidə olunan güclü külək, məhdud görmə imkanları və dağlıq relyefin yaratdığı mürəkkəb meteoroloji vəziyyət uçuşların planlı şəkildə icrasına çətinlik törədir, buna görə də sərnişinlərin təhlükəsizliyini təmin etmək məqsədilə operativ qərarlar qəbul olunur.
