Modernizasiya layihəsinin mühəndislik mərhələsi 95 faiz tamamlanıb
Elpress.az xəbər verir ki, SOCAR-ın Etilen-Polietilen zavodunda modernizasiya və yenidənqurma layihəsi həyata keçirilir.SOCAR-ın “Azərkimya” İstehsalat Birliyinin Proses üzrə direktoru Samir Səlimlinin sözlərinə görə, layihə avtomatika və idarəetmə sistemlərinin yenilənməsini əhatə edir.O bildirib ki, layihənin mühəndislik mərhələsi 95 faiz tamamlanıb və gələn ildən etibarən sahə işlərinə başlanılacaq.Qeyd edək ki, zavodda etilen və propilen istehsalı EP-300 qurğusunda həyata keçirilir. Qurğunun illik istehsal gücü 190 min ton etilen və 187 min ton propilendir. Müəssisədə yüksək təzyiqli polietilen istehsalının illik gücü isə 120 min tondur.Zavodun buxar-güc təsərrüfatı saatda 480 ton buxar və 68 MVt elektrik enerjisi istehsal etmək gücünə malikdir.Ötən il müəssisənin istehsal güclərindən istifadə səviyyəsi 86 faiz olub. Bu il isə göstəricinin 85 faizdən yüksək olacağı gözlənilir.
