AZAL-ın Qarsa ilk reysi həyata keçirilib — uçuşlar həftədə iki dəfə olacaq
Elpress.az xəbər verir ki, “Azərbaycan Hava Yolları” (AZAL) Bakı ilə Türkiyənin Qars şəhəri arasında yeni aviareyslərə start verib.Qars istiqamətində ilk uçuş uğurla həyata keçirilib. İlk reysin sərnişinləri Qars Harakani Hava Limanında təşkil olunan xüsusi mərasimlə qarşılanıblar.Yeni marşrut üzrə uçuşların həftədə iki dəfə — cümə axşamı və bazar günləri həyata keçirilməsi nəzərdə tutulur.Qars reyslərinin istifadəyə verilməsi Azərbaycan və Türkiyə arasında hava nəqliyyatı əlaqələrinin genişləndirilməsi ilə yanaşı, turizm, biznes və mədəni münasibətlərin inkişafına da imkan yaradacaq.Hazırda Türkiyə AZAL-ın ən geniş uçuş şəbəkəsinə malik olduğu ölkələrdən biridir. Aviaşirkət Qarsla yanaşı, İstanbul, Ankara, İzmir, Antalya, Bodrum, Trabzon, Dalaman və Adana istiqamətlərində də müntəzəm reyslər həyata keçirir.
