Gürcüstanın strateji əhəmiyyət daşıyan Anaklia dərin dəniz limanı Azərbaycanın da maraq göstərdiyi beynəlxalq layihələrdən biri kimi qiymətləndirilir.
Elpress.az xəbər verir ki, Bu barədə Gürcüstanın iqtisadiyyat və dayanıqlı inkişaf naziri Mariam Kvrivişvili “Rustavi 2” telekanalına müsahibəsində bildirib.Nazirin sözlərinə görə, Anaklia limanına Mərkəzi Asiya ölkələri, Çin, Azərbaycan və Gürcüstanın digər tərəfdaşları, eləcə də Qərb şirkətləri böyük maraq göstərirlər. O qeyd edib ki, düzgün yanaşma və beynəlxalq əməkdaşlıq sayəsində limana yük axınlarının cəlb olunması mümkün olacaq.Kvrivişvili vurğulayıb ki, Anaklia limanı Gürcüstan üçün strateji əhəmiyyət daşıyır və hökumətin qərarına əsasən, obyekt dövlətin mülkiyyətində qalacaq. Dövlət limanın inkişafını təmin edəcək və müxtəlif tərəfdaş ölkələrin maraqlarını birləşdirən əməkdaşlıq platforması formalaşdıracaq.Qeyd edək ki, Anaklia limanı “landlord” modeli əsasında inşa olunacaq. Layihəyə ümumilikdə 1,1 milyard ABŞ dolları həcmində investisiyanın yatırılması nəzərdə tutulur.
