Nazir bildirib ki, Azərbaycanda ilk dəfə keçirilən beynəlxalq turnirdə milli komandamız qalib gəlib
Elpress.az xəbər verir ki, Bakıda ilk dəfə keçirilən çimərlik polosu üzrə beynəlxalq turnir başa çatıb.Gənclər və idman naziri Fərid Qayıbov yarışın yüksək səviyyədə təşkil olunduğunu bildirib. O, turnirin Azərbaycanda bu idman növü üzrə keçirilən ilk beynəlxalq yarış olduğunu və tədbirin uğurla baş tutduğunu qeyd edib.Nazirin sözlərinə görə, Atçılıq Federasiyası paytaxtda yeni beynəlxalq yarışların keçirilməsi istiqamətində aktiv fəaliyyət göstərir. O, növbəti il də Bakıda yeni turnirlərin və müxtəlif tədbirlərin təşkil olunacağını vurğulayıb.Fərid Qayıbov milli komandanın turnirdə qalib gəlməsini xüsusi qeyd edib. O bildirib ki, Azərbaycan komandası daha əvvəl Sankt-Moritsdə keçirilən yarışlarda da uğurlu nəticələr göstərərək qızıl medallar qazanıb.Nazir komandanı əldə etdiyi qələbə münasibətilə təbrik edib.
