Türkiyənin “Beşiktaş” klubu transfer çalışmalarını Almaniya millisinin qapıçısı Aleksandr Nübelin heyətə cəlb edilməsi ilə davam etdirib.
Elpress.az xəbər verir ki, İstanbul təmsilçisi 29 yaşlı qolkiperlə 2028/2029-cu il mövsümünün sonunadək nəzərdə tutulan 3 illik müqavilə imzalayıb.
Məlumata əsasən, “Beşiktaş” bu transfer üçün Almaniyanın “Bavariya” klubuna 6,5 milyon avro ödəyəcək. Razılaşmada əlavə olaraq 5 milyon avro məbləğində bonus şərti də yer alıb.
Qeyd edək ki, Aleksandr Nübel 2020-ci ildən “Bavariya”ya məxsus olsa da, bu müddətdə cəmi dörd rəsmi oyunda forma geyinib. Son mövsümlərdə isə o, icarə əsasında Fransanın “Monako” və Almaniyanın “Ştutqart” klublarında çıxış edib.Təcrübəli qapıçı eyni zamanda Almaniya milli komandasının da üzvlərindən biridir.
