“IRONMAN 70.3 Baku” yarışı ilə əlaqədar paytaxtda nəqliyyatın hərəkətinə məhdudiyyət tətbiq olunacaq
Elpress.az xəbər verir ki, Sentyabrın 5-də Bakıda keçiriləcək beynəlxalq triatlon yarışı ilə əlaqədar paytaxtın bir sıra ərazilərində nəqliyyatın hərəkətinə müvəqqəti məhdudiyyətlər tətbiq ediləcək.Məhdudiyyətlər yarışdan əvvəlki hazırlıq mərhələsində sentyabrın 4-də saat 21:00-dan sentyabrın 5-də saat 04:59-dək, yarışın əsas mərhələsində isə saat 05:00-dan 14:30-dək qüvvədə olacaq.Yarış başa çatdıqdan sonra ərazidə təmizlik və bərpa işlərinin aparılması nəzərdə tutulur. Bu səbəbdən nəqliyyat məhdudiyyətlərinin sentyabrın 5-də saat 14:30-dan 16:00-dək davam etdirilməsi planlaşdırılır.Sürücülərdən və digər hərəkət iştirakçılarından səfərlərini əvvəlcədən planlaşdırmaları, mümkün nəqliyyat sıxlığını nəzərə almaları və alternativ marşrutlardan istifadə etmələri xahiş olunur.Qeyd edək ki, yarışda 62 ölkədən 1500-dən çox iştirakçının iştirakı gözlənilir.
