Şəmkirdə 12 yaşlı qızın qətli ilə bağlı saxlanılan şəxsin onun 16 yaşlı bacısı olduğu müəyyən edilib.
Elpress.az xəbər verir ki, Şəmkir rayonunda 12 yaşlı qızın ölümü ilə bağlı aparılan araşdırmalar zamanı qətli törətməkdə şübhəli bilinən şəxsin onun 16 yaşlı bacısı olduğu müəyyən edilib. Polis əməkdaşlarının keçirdiyi əməliyyat-axtarış tədbirləri nəticəsində yeniyetmə saxlanılıb.
İlkin məlumata görə, Mahmudlu kənd sakini, 2014-cü il təvəllüdlü Ə. Namazova ağır bıçaq xəsarətləri ilə xəstəxanaya çatdırılıb. Həkimlərin göstərdiyi tibbi yardımlara baxmayaraq, onun həyatını xilas etmək mümkün olmayıb.
Bildirilib ki, qızın valideynləri həmin gün onun itkin düşməsi ilə bağlı polisə müraciət ediblər. Bir müddət sonra isə yeniyetmə yaşadıqları evin həyətyanı sahəsində yaralı vəziyyətdə aşkar edilib.
Faktla bağlı araşdırma davam etdirilir.
