Aysel Əlibəyli
26 İyul 2026 · 09:14
1042 baxış
Şəki rayonunda baş verən yol-nəqliyyat hadisəsi ölümlə nəticələnib.
Elpress.az xəbər verir ki, hadisə iyulun 25-i axşam saatlarında rayonun Baş Göynük kəndi ərazisində qeydə alınıb. İlkin məlumata görə, hərəkətdə olan “Mercedes” markalı minik avtomobili yolu keçən iki piyadanı vurub. Qəza nəticəsində 24 yaşlı Mahir Teyibov aldığı ağır xəsarətlər səbəbindən hadisə yerində həyatını itirib. Digər piyada – 28 yaşlı Şahin Tahirov isə müxtəlif bədən xəsarətləri ilə xəstəxanaya çatdırılıb. Hazırda onun müalicəsi davam etdirilir.
Hadisə ilə bağlı hüquq-mühafizə orqanları tərəfindən cinayət işi açılıb. Qəzanın başvermə səbəblərinin müəyyənləşdirilməsi istiqamətində araşdırmalar davam edir.
