Aysel Əlibəyli
27 May 2026 · 23:42
1096 baxış
Göyçay rayonunda ilan sancması hadisəsi qeydə alınıb.
Elpress.az-ın Azərtac.az-a istinadən verdiyi məlumata əsasən, Göyçay rayonunun Şəkər kəndi ərazisində ilan sancması hadisəsi baş verib.Belə ki, kənd sakini, 54 yaşlı Eldar Əliyev örüş sahəsində heyvan otararkən dincəlmək məqsədilə otlaq sahəsində uzanıb. Həmin an ilan onun baş nahiyəsini dişləyib.Hadisəni görən şəxslər dərhal Eldar Əliyevə yardım göstərərək onu Göyçay Rayon Mərkəzi Xəstəxanasına çatdırıblar. Tibb müəssisəsində ona ilan zəhərinə qarşı zərdab tətbiq olunub və digər zəruri tibbi müdaxilələr həyata keçirilib.Hazırda 54 yaşlı kişinin müalicəsinin davam etdiyi bildirilir.
