Kürəklə insanlara hücum edən şəxs silahla vurularaq öldürülüb
Elpress.az xəbər verir ki, Rusiyanın paytaxtı Moskvada kilsələrdən birinin yaxınlığında insident baş verib.Hadisə şəhərin Maryino rayonunda qeydə alınıb. Əlində kürək olan şəxs kilsədən çıxan insanlara hücum edib. Daha sonra hadisə yerinə gələn təcili yardım əməkdaşlarından birinə də hücum edərək onun başına kürəklə zərbə endirib.Ağır xəsarət alan tibb işçisi xəstəxanaya yerləşdirilib və vəziyyətinin ağır olduğu bildirilir.Hücum edən şəxsə qarşı kilsəyə gələn şəxslərdən biri odlu silahdan istifadə edib. Nəticədə hücum edən şəxs güllə yarası alaraq hadisə yerində ölüb. Atəş açan şəxs isə polis əməkdaşları tərəfindən saxlanılıb.İlkin məlumata görə, insanlara hücum edən şəxsin əvvəllər psixiatrik dispanserdə qeydiyyatda olduğu bildirilib.
