“Rhysida” qrupu kiberhücum zamanı 5,79 TB həcmində məlumat əldə edib və 2 milyon avro tələb edib
Elpress.az xəbər verir ki, “Rhysida” haker qrupu Berlin Senatının şəbəkələrinə həyata keçirdiyi kiberhücum nəticəsində əldə etdiyi məxfi məlumatların bir hissəsini darknetdə yayıb.Hakerlərin ümumilikdə 5,79 TB həcmində məlumat əldə etdiyi bildirilir. Sızdırılan materiallar arasında dronlarla bağlı yüzlərlə məxfi sənəd də yer alır.2025-ci ilin noyabrına aid sənədlərdən birində dronların istənilən vaxt təhlükəli əşyaları təhlükəsizlik zonasına çatdıra biləcəyi qeyd olunur. Digər məlumatlara əsasən, 2025-ci ilin yayında Berlin hava limanı ətrafında 30 kilometr radiusda 19 gün ərzində 2093 dron uçuşu qeydə alınıb.Haker qrupu Berlin rəhbərliyindən 2 milyon avro tələb edib və tələb yerinə yetirilmədiyi təqdirdə məlumatları yayacağı ilə hədələyib.Kiberhücum avqustun 14-də aşkarlanıb. Bundan sonra iki qurum təhlükəsizlik məqsədilə şəhər şəbəkəsindən müvəqqəti ayrılıb.Berlin meri Kay Vegner isə şəhər rəhbərliyinin hakerlərin şantajına boyun əyməyəcəyini açıqlayıb.
