Ər-Riyad regiondakı qarşıdurmanın genişlənməsindən narahatlığını bildirib
Elpress.az xəbər verir ki, Səudiyyə Ərəbistanı Yaxın Şərqdə davam edən qarşıdurmanın daha geniş əraziyə yayılmasından narahatlığını ifadə edib.Səudiyyə Ərəbistanının xarici işlər naziri Feysəl bin Fərhan bildirib ki, ölkəsi suverenliyini, ərazisini və vətəndaşlarını qorumaq üçün bütün zəruri tədbirləri görmək hüququnu saxlayır.Nazir Körfəz ölkələrinin müxtəlif bəhanələrlə hədəfə alınmasının yolverilməz olduğunu vurğulayıb. O, regionda sabitliyin təmin edilməsi üçün diplomatik və siyasi həll yollarına üstünlük verilməsinin vacibliyini qeyd edib.Feysəl bin Fərhan, həmçinin Hörmüz və Bab əl-Məndəb boğazlarının, eləcə də digər mühüm nəqliyyat dəhlizlərinin təhlükəsizliyinin təmin olunmasına və açıq saxlanılmasına çağırıb.
