Elpress.az xəbər verir ki, sentyabrın 14-də Yasamal və Xəzər rayonlarının bəzi ərazilərində aparılacaq təmir və yenidənqurma işləri ilə əlaqədar elektrik enerjisinin verilişi müvəqqəti dayandırılacaq.
Yasamal rayonunda transformator məntəqəsində aparılacaq təmir işləri ilə əlaqədar saat 10:00-dan 13:00-dək Xıdır Mustafayev, İslam Səfərli, Mirzə Cabbar Məmmədzadə, Şıxəli Qurbanov, Ümid Əkbərov, Vasif Əliyev və Zaur Kərimov küçələrinin bəzi hissələrində elektrik enerjisinin verilişində məhdudiyyət yaranacaq.Xəzər rayonunun Buzovna qəsəbəsində, Albalılı yaşayış massivində, həmçinin Abşeron və İzmir küçələrinin bəzi ərazilərində isə 10:00-dan 15:00-dək elektrik enerjisinin verilişi müvəqqəti dayandırılacaq.
Bildirilib ki, işlərin başa çatdırılmasından sonra həmin ərazilərdə abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.
