Göyçayda ağır qəza: avtomobillərdən biri su kanalına aşdı, sürücünün içəridə qaldığı ehtimal edilir
Elpress.az AZƏRTAC-a istinadən xəbər verir ki, Göyçay rayonunda iki minik avtomobilinin iştirakı ilə yol-nəqliyyat hadisəsi baş verib.
Qəza Göyçay–Bərgüşad avtomobil yolunun rayonun Cəyirli kəndi ərazisindən keçən hissəsində qeydə alınıb. İlkin məlumata görə, hərəkətdə olan iki avtomobilin toqquşması nəticəsində nəqliyyat vasitələrindən biri yoldan çıxaraq su kanalına düşüb.Hazırda aidiyyəti qurumlar tərəfindən avtomobilin kanaldan çıxarılması istiqamətində əməliyyat tədbirləri həyata keçirilir.İlkin ehtimallara əsasən, su kanalına aşan avtomobildə sürücünün qaldığı bildirilir.
Qəzanın başvermə səbəbləri, sürücünün vəziyyəti və hadisənin digər təfərrüatları araşdırılır.
