Aysel Əlibəyli
30 İyun 2026 · 11:37
78 baxış
Azərbaycan Respublikasının 2025-ci il dövlət büdcəsinin icrası haqqında” qanun layihəsi Milli Məclisin bu gün keçirilən plenar iclasında müzakirəyə çıxarılıb.
Sənədə əsasən, 2025-ci il dövlət büdcəsinin icrası üzrə gəlirlər 39 milyard 184 milyon 560,9 min manat, xərclər isə 38 milyard 604 milyon 559,6 min manat məbləğində müəyyən edilib.
Elpress.az “Qafqazinfo”ya istinadən xəbər verir ki, Parlamentdə aparılan müzakirələrdən sonra qanun layihəsi səsverməyə çıxarılıb və üçüncü oxunuşda qəbul edilib.
Qeyd edək ki, dövlət büdcəsinin icrası haqqında qanun ölkənin ötən il ərzində gəlir və xərclərinin yekun nəticələrini əks etdirən əsas maliyyə sənədlərindən biri hesab olunur.
