Nazirlik küləkli hava zamanı təhlükəsizlik qaydalarına ciddi əməl etməyə çağırıb
Elpress.az xəbər verir ki, Ölkə ərazisində, o cümlədən Bakı və Abşeron yarımadasında müşahidə olunan güclü küləklə əlaqədar Fövqəladə Hallar Nazirliyi əhaliyə növbəti dəfə xəbərdarlıq edib.Nazirlik güclü külək zamanı insanların təhlükəli ərazilərdən uzaq durmasının vacibliyini vurğulayıb. Əhaliyə yüngül konstruksiyalı və müvəqqəti tikililərin, binaların və reklam lövhələrinin yaxınlığında dayanmamaq, elektrik dirəkləri və naqillərindən, eləcə də hündür ağaclardan uzaq durmaq tövsiyə olunub.Bildirilib ki, küləkli hava şəraiti yanğınların söndürülməsi prosesini də çətinləşdirə bilər. Bu səbəbdən belə hava şəraitində yanğın təhlükəsizliyi qaydalarına xüsusilə ciddi riayət edilməlidir.Fövqəladə vəziyyət və ya təhlükə ilə qarşılaşan şəxslərə 112 qaynar xəttinə müraciət etmək tövsiyə olunur.
