Elpress.az xəbər verir ki, hadisə bu gün “Şamaxinka” adlanan ərazidə qeydə alınıb. İlkin məlumata görə, 43 yaşlı Zaur Qəhrəmanov küçədə keçmiş həyat yoldaşı, 44 yaşlı Amalya Qəhrəmanovaya ov tüfəngi ilə atəş açıb.
Qadın aldığı xəsarətlərdən hadisə yerində həyatını itirib. Hadisədən dərhal sonra Zaur Qəhrəmanovun da eyni silahla özünə atəş açdığı bildirilir. Yaralı vəziyyətdə olan şəxs polis əməkdaşlarının müşayiəti ilə xəstəxanaya çatdırılıb.
Elpress.az -ın TƏBİB in mətbuat xidmətindən aldığı məlumata görə Zaur Qəhrəmanov müştərək travma diaqnozu ilə Kliniki Tibb Mərkəzinə hospitalizasiya olunub. Ona gözün dağılmış yarası və kəllədaxili travma diaqnozları qoyulub. Hazırda müalicəsi davam etdirilir, vəziyyəti ağır qiymətləndirilir.
Qadının ölüm faktı isə təcili tibbi yardım briqadası tərəfindən hadisə yerində qeydə alınıb.
Hadisənin ailədaxili münaqişə zəminində baş verdiyi ehtimal edilir. Faktla bağlı hüquq-mühafizə orqanları tərəfindən araşdırma aparılır.
Hadisənin bütün təfərrüatları araşdırıldıqdan sonra ictimaiyyətə əlavə məlumat veriləcək.
