Aysel Əlibəyli
31 Avqust 2026 · 11:38
1032 baxış
Xaçmaz stansiyasında yük qatarının iştirakı ilə ölümcül hadisə baş verib.
Elpress.az xəbər verir ki, hadisə bu gün saat 05:05 radələrində “Azərbaycan Dəmir Yolları” QSC-nin Xaçmaz stansiyasında qeydə alınıb.Belə ki, hərəkətdə olan yük qatarının qarşısına qəfil insan çıxıb. Maşinist təcili tormozlama aparsa da, məsafənin az olması səbəbindən toqquşmanın qarşısını almaq mümkün olmayıb.
Nəticədə həmin şəxs hadisə yerində həyatını itirib.ADY vətəndaşları dəmir yolu xətlərini yalnız müəyyən edilmiş yerlərdən və piyada keçidlərindən keçməyə çağırıb.
Qurum diqqətsizlik və qaydalara laqeyd münasibətin ağır nəticələrə səbəb ola biləcəyini vurğulayıb.
