20 uşaq bağçasında baş verən kütləvi zəhərlənmənin səbəbi araşdırılır
Elpress.az xəbər verir ki, Tbilisidə 20 uşaq bağçasında zəhərlənmə əlamətləri müşahidə olunan 100-dən çox uşağın xəstəxanaya yerləşdirilməsinə ehtiyac yaranıb.Gürcüstanın səhiyyə naziri Mixeil Sarcveladzenin bildirdiyinə görə, uşaqların heç birinin vəziyyətində ağırlaşma riski qeydə alınmayıb.Nazir zəhərlənməyə səbəb olan amillərin aparılacaq araşdırmanın nəticələri əsasında müəyyənləşdiriləcəyini bildirib.Hadisənin bağçalarda uşaqlara təqdim olunan qida məhsulları ilə əlaqəli bakterial infeksiyadan qaynaqlandığı ehtimal edilir. Faktla bağlı Gürcüstanın Maliyyə Nazirliyinin İstintaq Xidməti insan həyatı və sağlamlığı üçün təhlükə yaradan qida məhsullarının hazırlanması və satışı ilə bağlı araşdırma aparır.
