Elpress.az xəbər verir ki, Şəki rayonunun Baş Kəldək kəndində yerləşən “Şəki Yaylası” istirahət mərkəzində baş verən kanat qəzası nəticəsində iki nəfər həyatını itirib.
Məlumata görə, sentyabrın 8-də saat 14:50 radələrində hadisə ilə əlaqədar Respublika Təcili və Təxirəsalınmaz Tibbi Yardım Mərkəzinə çağırış daxil olub. Hadisə yerinə təcili tibbi yardım briqadası göndərilib.TƏBİB-dən bildirilib ki, briqada tərəfindən iki nəfərin həkiməqədər ölüm faktı qeydə alınıb.İlkin məlumata əsasən, istirahət mərkəzində kanatın trosunun qırılması nəticəsində iki nəfər yüksəklikdən yerə düşüb.Həlak olanlardan birinin 1996-cı il təvəllüdlü, Qax rayonunun Zərnə kənd sakini Coşqun Ceyhun oğlu Məmmədov olduğu bildirilir. Onun istirahət məqsədilə Bakıdan Şəkiyə gəldiyi qeyd olunur.
Hadisə ilə bağlı araşdırma aparılır.
