“Mercedes” ağaca çırpılıb aşıb, yaralılardan birinin müalicəsi xəstəxanada davam edir
Elpress.az xəbər verir ki, Quba-Xaçmaz avtomobil yolunun rayonun Barlı kəndi ərazisindən keçən hissəsində ağır yol-nəqliyyat hadisəsi baş verib.Hadisə sentyabrın 6-da saat 00:20 radələrində qeydə alınıb. İlkin məlumata görə, 24 yaşlı Seyfəlmülk Eldarov idarə etdiyi “Mercedes” markalı avtomobillə hərəkətdə olarkən idarəetməni itirib. Nəticədə avtomobil yoldan çıxaraq ağaca çırılıb və aşıb.Qəza zamanı avtomobildə olan 26 yaşlı Sənan Ramazanov aldığı xəsarətlərdən hadisə yerində həyatını itirib. Sürücü və digər sərnişin, 26 yaşlı Roman Ramazanov isə müxtəlif dərəcəli bədən xəsarətləri alıb.Yaralılar sentyabrın 6-da saat 01:10 radələrində Quba Rayon Mərkəzi Xəstəxanasına çatdırılıblar. Onlara müxtəlif travmalar, o cümlədən sınıq, açıq yaralar və küt travma diaqnozları qoyulub.2000-ci il təvəllüdlü şəxsin vəziyyəti qənaətbəxş qiymətləndirildiyindən ambulator müalicə üçün evə buraxılıb. 2002-ci il təvəllüdlü şəxsin müalicəsi isə Travmatologiya şöbəsində davam etdirilir və vəziyyəti orta ağırdır.
Hadisə ilə bağlı araşdırma aparılır.
