Xaricdə iş və istirahət imkanları vəd edərək vətəndaşlardan pul aldığı bildirilir
Elpress.az xəbər verir ki, Vətəndaşların etibarından sui-istifadə edərək müxtəlif vədlərlə pul vəsaitlərini ələ keçirməkdə şübhəli bilinən E.Vəliyev saxlanılıb.Aparılan araşdırma zamanı müəyyən edilib ki, E.Vəliyev bir vətəndaşın övladını İsveçrədə işlə təmin edəcəyini vəd edərək 1728 manat, digər şəxsdən isə istirahət kompleksində ev və “golfcar” təqdim edəcəyi adı ilə 3400 manat alıb.Bundan başqa, onun 19 min manat dəyərində olan “golfcar”ı ödənişini sonradan həyata keçirəcəyini bildirərək əldə etdiyi və nəqliyyat vasitəsinin sahibinin razılığı olmadan 8 min manata başqa şəxsə satdığı müəyyənləşdirilib.Araşdırma zamanı E.Vəliyevin mobil telefonunda tanınmış şəxslərlə birlikdə olduğunu göstərən fotomontaj şəkillər də aşkarlanıb. Onun həmin görüntülərdən istifadə edərək özünü geniş əlaqələrə malik şəxs kimi təqdim etdiyi və bu yolla zərərçəkənlərin etimadını qazandığı bildirilir.E.Vəliyev Cinayət Məcəlləsinin müvafiq maddələri ilə şübhəli şəxs qismində saxlanılıb və istintaqa cəlb edilib.Faktlarla bağlı araşdırma davam etdirilir.
