Yol hərəkəti qaydalarını kobud şəkildə pozan sürücünün hüququ bir il müddətinə məhdudlaşdırılıb
Elpress.az xəbər verir ki, Bakıda yol hərəkəti qaydalarını davamlı şəkildə pozaraq digər hərəkət iştirakçıları üçün təhlükə yaradan sürücü saxlanılıb.Bakı Şəhər Dövlət Yol Polisi İdarəsinin əməkdaşları tərəfindən “Nissan” markalı avtomobili idarə edən Fərhad Məmmədov barəsində tədbir görülüb. Sürücünün yol hərəkəti qaydalarını pozaraq insanların sağlamlığı üçün real təhlükə yaratdığı müəyyən edilib.Faktla bağlı onun barəsində İnzibati Xətalar Məcəlləsinin müvafiq maddəsi əsasında protokol tərtib edilərək məhkəməyə göndərilib.Məhkəmənin qərarı ilə Fərhad Məmmədovun nəqliyyat vasitələrini idarə etmək hüququ 1 il müddətinə məhdudlaşdırılıb. Bundan əlavə, sürücü 25 sutka müddətinə inzibati qaydada həbs edilib.
