Aysel Əlibəyli
06 İyul 2026 · 13:03
26 baxış
Bakıda Avtovağzal istiqamətində hərəkət edən 135 nömrəli marşrut avtobusunda yanğın baş verib.
Elpress.az-ın əldə etdiyi məlumata görə, alov qısa müddətdə avtobusu bürüyüb. Hadisə zamanı sürücü və sərnişinlər nəqliyyat vasitəsini vaxtında tərk etdiklərindən xəsarət alan olmayıb.
Yanğın daha sonra yol kənarındakı ağaclara da keçib. Hadisə yerinə aidiyyəti qurumların əməkdaşları cəlb olunub və alovun söndürülməsi istiqamətində tədbirlər görülüb.
Yanğının başvermə səbəbi araşdırılır. Hadisə ilə bağlı rəsmi məlumat daxil olduqca əlavə məlumat təqdim edəcəyik.
