Məktəb yaxınlığında baş verən qəzada gənc motosikletçi xəsarət aldı bu ətrafdakılar arasında narahatlıq yaratdı
Elpress.az-ın məlumatına əsasən, Binəqədi rayonu 3 nömrəli tam orta məktəbin yaxınlığında yol-nəqliyyat hadisəsi baş verib. Hadisə zamanı gənc motosiklet sürücüsü xəsarət alıb. İlkin məlumata görə, qəza çox ağır olmasa da, zərbənin təsirindən sürücü yaralanıb. Hadisə yerinə yaxınlaşan sakinlər ona kömək göstəriblər və aidiyyəti qurumlara məlumat verilib.Şahidlərin sözlərinə görə, yaralının ayağından xəsarət aldığı, hətta sınıq ehtimalının olduğu bildirilir. Lakin bu məlumat hələ rəsmi şəkildə təsdiqlənməyib. Yaralıya tibbi yardım göstərildikdən sonra müayinəyə aparıldığı qeyd olunur.Hadisənin hansı səbəbdən baş verdiyi hələlik məlum deyil. Qəza ilə bağlı araşdırma aparılır və rəsmi məlumat olduqca əlavə məlumatların paylaşılması gözlənilir.
