Ərazi üzrə yağıntı, bəzi yerlərdə şimşək
Milli Hidrometeorologiya Xidmətinin məlumatına əsasən, ölkə ərazisində yağıntılı hava şəraiti davam edir, ayrı-ayrı bölgələrdə isə yağışlar intensiv xarakter alıb və bəzi ərazilərdə şimşəkli hava müşahidə olunub.Qeyd edilib ki, düşən yağıntının miqdarı regionlar üzrə fərqlənib: Şahbuzda 15, Qaxda 13, Balakəndə 9, Gədəbəydə 7, Daşkəsəndə 6, Zaqatala və Ağdamda 5, Naxçıvan və Şəkidə 4, Bərdə, Şərur, Şəmkir və Xaltanda 3, Naftalan, Oğuz, Şamaxı, Xaçmaz, Tərtər və Göyçayda 2, digər bir sıra bölgələrdə isə 1 mm-dək yağıntı qeydə alınıb.Bundan əlavə, iyunun 13-də ölkənin bəzi ərazilərində şimal-qərb küləyi də müşahidə olunub, küləyin maksimal sürəti Tovuzda 20, Daşkəsən və Naftalanda isə 18 m/s-yə qədər yüksəlib.
