Aysel Əlibəyli
10 Sentyabr 2026 · 14:52
1070 baxış
Cəbrayılın Şükürbəyli kəndinə 25 ailə – 154 nəfər köçürülüb
Elpress.az xəbər verir ki, İşğaldan azad edilmiş ərazilərə Böyük Qayıdış proqramı çərçivəsində növbəti köç prosesi həyata keçirilib.Bu mərhələdə Cəbrayıl rayonunun Şükürbəyli kəndinə 25 ailə, ümumilikdə 154 nəfər köçürülüb. Doğma yurdlarına qayıdan ailələr daha əvvəl ölkənin müxtəlif ərazilərində, əsasən yataqxana, sanatoriya və inzibati binalarda müvəqqəti məskunlaşıblar.Şükürbəyliyə yerləşdirilən sakinlər dövlət tərəfindən göstərilən diqqət və qayğıya görə təşəkkürlərini bildiriblər. Onlar həmçinin ərazilərin işğaldan azad olunmasında xidmətləri olan Azərbaycan Ordusunun hərbçilərinə minnətdarlıqlarını ifadə edib, şəhidlərin əziz xatirəsini yad ediblər.
