Təmir işləri ilə əlaqədar Bakı və Lənkəranın bir sıra ərazilərində elektrik enerjisinin verilişi müvəqqəti dayandırılacaq
Elpress.az xəbər verir ki , “Azərişıq” ASC paytaxtın müxtəlif ərazilərində və Lənkəran rayonunda aparılacaq planlı təmir və təftiş işləri ilə əlaqədar elektrik enerjisinin verilişində müvəqqəti fasilələrin yaranacağını açıqlayıb.Məlumata görə, gecə saat 02:00-dan 04:00-dək Bakının Buzovna qəsəbəsində yerləşən Məmməd Səid Ordubadi və Mirzəağa Əliyev küçələrində, eləcə də “Qoşa Qala” restoranının arxa hissəsində elektrik enerjisinin verilişi dayandırılacaq.Bundan başqa, Yasamal rayonunda saat 10:00-dan 13:00-dək Əbüdrəhim bəy Haqverdiyev, İnşaatçılar, İsmayıl bəy Qutqaşınlı, Abbas Mirzə Şərifzadə, Mirəli Seyidov və Nazim Hikmət küçələrinin bir hissəsində elektrik enerjisinin verilişində məhdudiyyət olacaq.Keşlə qəsəbəsində Nizami Abdullayev, Mirzə Ələkbər Sabir, Yenikənd, Mətləb Ağayev və 1-ci Köndələn küçələrinin bir hissəsində saat 10:00-dan 14:00-dək, Zabrat qəsəbəsində isə Mehdi Hüseynzadə, Nəsibə Zeynalova, Murad Mirzəyev, Aşıq Ələsgər, Hüseyn Cavid, Şövkət Əhmədov və Köhnə Tramvay küçələrində elektrik enerjisinin verilişi müvəqqəti məhdudlaşdırılacaq.Bölgələrdə isə Lənkəran rayonunun Kosalar, Hirkan, Siyavar, Vel, Daştalığcar, Parakənd, Mamusta, Bala Şükür və Gərmətük kəndlərində aparılacaq təmir və sazlama işləri səbəbindən saat 10:00-dan 14:00-dək elektrik enerjisinin verilişi dayandırılacaq.“Azərişıq” ASC bildirib ki, yenidənqurma və təmir-bərpa işləri başa çatdıqdan sonra qeyd olunan ərazilərdə abonentlər daha keyfiyyətli və dayanıqlı elektrik enerjisi ilə təmin ediləcəklər.
