İranın “Sahar Azəri” telekanalının Diyarbəkirdə çəkilmiş görüntüləri Azərbaycanla əlaqələndirərək təqdim etdiyi iddia mübahisə doğurub. Kadrların əslində başqa məqsədlə təşkil olunan tədbirə aid olduğu bildirilir.
Elpress.az xəbər verir ki, İran dövlət televiziya və radio qurumunun Azərbaycan dilində yayımlanan kanalı görüntüləri “azərbaycanlı hicablılara dəstək” aksiyası kimi təqdim edib.
Lakin oktyabrın 11-də Türkiyənin Diyarbəkir şəhərinin Sur bölgəsində lentə alınan kadrların bu iddia ilə əlaqəsi olmadığı qeyd olunur. Məlumata görə, “Niyet ettim Tesettüre, Emrin başım üstüne” adlı tədbir ilk dəfə hicab bağlayan qızlar üçün təşkil edilib.
Tədbir çərçivəsində yürüş keçirilib və dini şüarlar səsləndirilib. Beləliklə, görüntülərin Azərbaycanla bağlı aksiya kimi təqdim edilməsi ilə bağlı iddia təkzib olunur.
