Fransada keçirilən G7 (Böyük Yeddilik) sammiti çərçivəsində Ukrayna Prezidenti Volodimir Zelenski ilə ABŞ Prezidenti Donald Tramp arasında görüş keçirilib.
Fransada təşkil olunan G7 (Böyük Yeddilik) sammiti çərçivəsində Ukrayna Prezidenti Volodimir Zelenski və ABŞ Prezidenti Donald Tramp arasında mühüm görüş baş tutub. Görüşdə tərəflər Ukraynadakı vəziyyət və beynəlxalq gündəmdə olan aktual məsələlər ətrafında fikir mübadiləsi aparıblar.Zelenski görüşdən sonra ABŞ nümayəndə heyəti ilə birgə çəkilmiş görüntüləri “Telegram” hesabında paylaşıb. Onu görüşdə Ukrayna Milli Təhlükəsizlik və Müdafiə Şurasının katibi Rustem Umerov müşayiət edib. ABŞ tərəfdən isə Dövlət katibi Marko Rubio iştirak edib.Zelenski paylaşımında “mövqelərin koordinasiyası hər zaman vacibdir” sözlərini qeyd edib. ABŞ Prezidenti Donald Tramp isə görüşün məhsuldar keçdiyini bildirib və sammit çərçivəsində Zelenski ilə yenidən görüşəcəyini, həmin görüşün elə iyunun 16-sı baş tutacağını açıqlayıb.
