Aysel Əlibəyli
16 İyun 2026 · 15:49
1224 baxış
Rayonlarda qeydiyyatda olan pensiyaçıların bu ay üzrə pensiya ödənişlərinin ən gec 19-dək həyata keçirilməsi planlaşdırılır.
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu tərəfindən verilən məlumata əsasən, ölkə üzrə pensiya ödənişləri mərhələli şəkildə həyata keçirilir. Bildirilir ki, Bakı və Sumqayıt şəhərləri, eləcə də Abşeron rayonu üzrə pensiyaçıların bu ayki ödənişləri artıq iyunun 12-də tam şəkildə təmin olunub. Rayonlarda yaşayan pensiyaçıların isə ödənişlərinin davam etdirilməsi və ən gec bu ayın 19-dək tamamlanması nəzərdə tutulur.
