Türkiyə Prezidenti Recep Tayyip Erdoğan ABŞ Prezidenti Donald Trumpın Ukraynadakı münaqişənin həllinə dair yanaşmasını dəstəklədiyini bəyan edib.
Elpress.az məlumat verir ki, Rəcəb Tayyib Ərdoğan bu fikirləri NATO sammitinin plenar iclasının açılış mərasimində çıxışı zamanı səsləndirib. O bildirib ki, Donald Trampın münaqişənin sülh yolu ilə həllinə yönəlmiş baxışını dəstəkləyir və Ukraynanın prioritet ehtiyaclarının müəyyənləşdirilməsi təşəbbüsünü müsbət qiymətləndirir.Türkiyə liderinin sözlərinə görə, Ankara bir tərəfdən Ukraynaya milli imkanları çərçivəsində hərbi dəstək göstərməyə davam edir, digər tərəfdən isə Rusiya ilə dialoq kanallarını açıq saxlayaraq münaqişənin sülh yolu ilə həllinə töhfə verməyə çalışır. Ərdoğan vurğulayıb ki, Türkiyə bölgədə davamlı sülhün təmin olunması üçün diplomatik səylərini bundan sonra da davam etdirəcək.
