Aysel Əlibəyli
17 Avqust 2026 · 10:34
1032 baxış
İkiillik fasilədən sonra Təbrizdən İrəvana həftədə iki uçuş həyata keçiriləcək
Elpress.az xəbər verir ki, İranın Təbriz şəhəri ilə Ermənistanın paytaxtı İrəvan arasında hava əlaqəsinin iki illik fasilədən sonra yenidən bərpa olunması planlaşdırılır.Şərqi Azərbaycan Hava Limanlarının baş direktoru Məhəmməd Əli Nael Qaramalki bildirib ki, Təbriz-İrəvan marşrutu üzrə uçuşlar Təbrizin “Şəhid Mədəni” Beynəlxalq Hava Limanından həyata keçiriləcək.Marşrut üzrə uçuşları “Pouya Airlines” aviaşirkəti yerinə yetirəcək. Aviareyslərin həftədə iki dəfə – bazar ertəsi və cümə axşamı günləri həyata keçirilməsi nəzərdə tutulur.İlk uçuşun avqustun 20-də saat 09:00-da Təbrizdən İrəvana həyata keçirilməsi planlaşdırılır.
