Aysel Əlibəyli
21 Sentyabr 2026 · 15:41
1132 baxış
Quzu satışı adı ilə vətəndaşlardan beh alan 32 yaşlı Orxan Həsənov tutulub
Elpress.az xəbər verir ki, Sosial şəbəkədə xırdabuynuzlu heyvanların satışı ilə bağlı saxta elanlar yerləşdirərək vətəndaşları aldadan şəxs saxlanılıb.Sumqayıt Şəhər Polis İdarəsinə müxtəlif şəxslər tərəfindən dələduzluqla bağlı şikayətlər daxil olub. Polis əməkdaşlarının keçirdiyi əməliyyat tədbirləri nəticəsində cinayət əməlində şübhəli bilinən 32 yaşlı Orxan Həsənov müəyyən edilərək saxlanılıb.Araşdırma zamanı məlum olub ki, O.Həsənov “TikTok” sosial şəbəkəsində quzu satışı ilə bağlı elanlar paylaşıb. Elanlarla maraqlanan şəxslərdən müxtəlif məbləğlərdə beh alan şəxs daha sonra onlarla əlaqəni kəsib.Faktla bağlı araşdırma aparılır.
