Bakı şəhərində müşahidə olunan intensiv yağışlar nəticəsində yaranmış fəsadların aradan qaldırılması üçün müvafiq qurumlar tərəfindən işlər fasiləsiz şəkildə davam etdirilir.
Elpress.az-ın Apa.az-a istinadən verdiyi məlumata əsasən, Bakı Şəhər İcra Hakimiyyətindən bildirilib ki, səhər saatlarından etibarən qurumun Mətbuat xidməti, RİH başçıları və aidiyyəti təsərrüfat strukturları gücləndirilmiş iş rejimində fəaliyyət göstərir.Qeyd olunub ki, intensiv yağışlar nəticəsində bəzi ərazilərdə normadan dəfələrlə artıq yağıntı müşahidə edildiyindən kollektor sistemləri ilə suların kənarlaşdırılmasında gecikmələr yaranıb və bu səbəbdən müəyyən ərazilərdə su yığılması halları qeydə alınıb.Bildirilib ki, həmin ərazilər monitorinq qrupları tərəfindən müəyyən edilərək Azərbaycan Dövlət Su Ehtiyatları Agentliyinə təqdim olunur və yağışın fəsadlarının aradan qaldırılması istiqamətində aidiyyəti qurumlar tərəfindən işlər davam etdirilir.
