Anomal istilər çayları qurudur: Almaniyada su səviyyəsi kritik həddə düşüb
Elpress.az xəbər verir ki, Almaniyanın Saksoniya torpağında havaların həddindən artıq isti keçməsi çaylarda suyun səviyyəsinin kəskin azalmasına səbəb olub.Suyun çəkilməsi nəticəsində çay yataqlarında əvvəlki quraqlıq dövrlərindən qalan və “aclıq daşları” kimi tanınan nişanlı daşlar yenidən görünməyə başlayıb. Bu daşların üzərində müxtəlif illərdə baş vermiş quraqlıqların izləri və tarixləri qeyd olunub.Mütəxəssislər belə daşların üzə çıxmasını quraqlığın ciddi həddə çatmasının göstəricilərindən biri hesab edir və vəziyyətin gələcəkdə məhsul qıtlığı riskini artıracağından narahatlıq bildirirlər.Elba çayında aşkar olunan daşlardan birinin üzərində son üç əsrdə baş vermiş quraqlıq illərinin tarixlərinin həkk olunduğu qeyd edilir. Oxşar mənzərənin Reyn, Şpree və Dunay çaylarında da müşahidə olunduğu bildirilir.Düsseldorf yaxınlığında Reyn çayında suyun səviyyəsinin 14 santimetrə qədər enərək rekord göstəriciyə çatdığı açıqlanıb.
