Aysel Əlibəyli
02 Oktyabr 2026 · 05:21
1060 baxış
Rusiyanın Sankt-Peterburq şəhərinin mərkəzində yerləşən tarixi binalardan birində yanğın baş verib. Alov İsakiyevskaya meydanında yerləşən Miller malikanəsini əhatə edib.
Elpress.az xəbər verir ki, yanğının söndürülməsi üçün əraziyə 125 yanğınsöndürən və 31 texnika cəlb olunub.
Hadisə şəhərin mərkəzində yerləşən tarixi tikilidə baş verdiyindən yanğının söndürülməsi istiqamətində genişmiqyaslı işlər aparılıb.
Qeyd edək ki, Miller malikanəsi regional əhəmiyyətli mədəni irs obyekti hesab olunur. Bina 1879-1880-ci illərdə memar Ferdinand Millerin layihəsi əsasında yenidən inşa edilib.
