Avropa Komissiyası Əlcəzairin “Air Express Algeria” aviaşirkətini Avropa İttifaqının hava təhlükəsizliyi üzrə qara siyahısına daxil edib.
Elpress.az əl-cəzirə- yə istinadən xəbər verir ki, qərardan sonra aviaşirkətin Aİ-yə üzv ölkələrin hava məkanında uçuşlar həyata keçirməsi qadağan olunub.Avropa Komissiyası bildirib ki, aparılan yoxlamalar zamanı aviasiya təhlükəsizliyi sahəsində ciddi problemlər və beynəlxalq standartlara uyğunluqla bağlı çatışmazlıqlar aşkarlanıb. Məhz bu səbəbdən şirkətə qarşı məhdudlaşdırıcı tədbir tətbiq edilib.Qurum pozuntuların detalları və qadağanın ləğvi üçün yerinə yetirilməli şərtlərlə bağlı əlavə məlumat açıqlamayıb.“Air Express Algeria” isə hələlik qərarla bağlı hər hansı rəsmi mövqe bildirməyib.Qeyd edək ki, Avropa İttifaqının Hava Təhlükəsizliyi Siyahısı 2006-cı ildən qüvvədədir və beynəlxalq təhlükəsizlik tələblərinə cavab verməyən aviaşirkətlərə qarşı məhdudiyyətlərin tətbiqini nəzərdə tutur.Bununla yanaşı, Avropa Komissiyası Qırğızıstanda qeydiyyatdan keçmiş bütün aviaşirkətlərin təhlükəsizlik göstəricilərində irəliləyiş qeydə alındığını əsas gətirərək onları qara siyahıdan çıxardığını da açıqlayıb.2002-ci ildə yaradılan “Air Express Algeria” əsasən neft-qaz sənayesinə xidmət göstərir, işçi daşımaları, tibbi təxliyə, VIP uçuşlar və yüngül yük daşımaları həyata keçirir.
