Odessa limanı yaxınlığında azərbaycanlı dənizçilərin olduğu yük gəmisi üç PUA-nın hücumuna məruz qalıb.
Elpress.az xəbər verir ki, Odessa limanı yaxınlığında azərbaycanlı dənizçilərin olduğu “ATA-2” quru yük gəmisinə üç pilotsuz uçuş aparatı ilə hücum edilib.Məlumata görə, Albatros Corporation şirkətinə məxsus gəmi ciddi zədələnib və hazırda Rumıniya sahillərinə doğru hərəkət edir. Gəmidə 13 nəfərlik ekipaj olub. Onlardan 12-si Azərbaycan, 1-i isə Türkiyə vətəndaşıdır.İlkin məlumata əsasən, hücum nəticəsində ölən və xəsarət alan olmayıb.Qeyd edək ki, iyulun 14-də də Odessa sahilləri yaxınlığında azərbaycanlıların olduğu “Atlas Bey” mülki ticarət gəmisi dron hücumuna məruz qalmışdı. Həmin hadisə zamanı gəminin kapitanı Səməd Nəsrullayev həlak olmuşdu.
