ABŞ aeronavtika agentliyi Yer kürəsində 1 illik “Mars simulyasiyası” üçün 4 namizəd axtarır
Elpress.az xəbər verir ki, NASA gələcəkdə Ay və Marsa planlaşdırılan uzunmüddətli kosmik ekspedisiyalara hazırlıq çərçivəsində unikal eksperimentə başlayır. 2027-ci ilin avqustunda start götürəcək layihə üzrə xüsusi təcrid olunmuş laboratoriyada tam 1 il yaşayacaq 4 nəfər könüllü seçiləcək. Sınağın əsas məqsədi qapalı mühitin və uzunmüddətli təcridin insan orqanizminə, həmçinin psixologiyasına təsirini öyrənməkdir.Missiya müddətində müxtəlif Elmi-texniki tapşırıqları icra edəcək hər bir iştirakçıya 70 min ABŞ dolları ödəniləcək. Namizədlərdən ABŞ vətəndaşı və ya “Green Card” sahibi olmaq, 30–55 yaş aralığında yer almaq və STEM (elm, texnologiya, mühəndislik, riyaziyyat) sahələri üzrə magistr dərəcəsinə yiyələnmək tələb olunur.
